تسليم الطلب كامل

سلّمت العميل الطلب؟ اتأكد الأول إن الفلوس اللي خدتها هي نفس المبلغ المكتوب هنا.

ولو الإدارة حددت ميعاد مع العميل، هتلاقيه مكتوب هنا.

بعد ما تسلّم وتحصّل، اضغط «تم التسليم».

هيطلع لك مربع التأكيد. والتسليم الكامل مش محتاج تمسح أي باركود.

لو حابب، صوّر الطلب مع العميل أو على الباب كإثبات للتسليم. الصورة اختيارية.

ولو العميل دفع مبلغ مختلف عن المطلوب، اضغط «حصّلت مبلغ مختلف؟» واكتب اللي خدته فعلًا، عشان حساب الكاش آخر اليوم يطلع مظبوط.

وفي الآخر اضغط «تأكيد التسليم». الضغطة دي بتقفل الطلب، فاضغطها بعد ما تستلم الفلوس فعلًا.

الطلب خرج من قائمتك ونزل في «السجل»، والمبلغ اتضاف على الكاش اللي معاك.

أما طلب الفيزا، زي ده: العميل دافع أونلاين، ومفيش أي تحصيل. سلّم الطلب واضغط «تم التسليم» ثم «تأكيد التسليم».

ومتقلقش على عمولتك في طلب الفيزا: محفوظة لك، وبتتخصم من الكاش اللي هتسلّمه آخر اليوم.